'ഓള്‍ വി ഇമാജിന്‍ ഇസ് ലൈറ്റിന്' ശേഷം ദിവ്യപ്രഭ കേന്ദ്ര കഥാപാത്രമാവുന്ന 'മര്‍ത്ത്യലോക ഇതിഹാസം'ഫസ്റ്റ്ലുക്ക് പുറത്തുവിട്ടു

'ഓള്‍ വി ഇമാജിന്‍ ഇസ് ലൈറ്റിന്' ശേഷം ദിവ്യപ്രഭ കേന്ദ്ര കഥാപാത്രമാവുന്ന ഏറ്റവും പുതിയ ചിത്രത്തിന്റെ ഫസ്റ്റ്ലുക്ക് പുറത്തുവിട്ടു.

'മര്‍ത്ത്യലോക ഇതിഹാസം'എന്ന് പേരിട്ടിരിക്കുന്ന ചിത്രം, 26ആമത് ഐഎഫ് എഫ് കെ യിലും, അന്താരാഷ്ട്ര ചലച്ചിത്രമെളകളിലും ചര്‍ച്ചയായിരുന്ന വുമണ്‍ വിത്ത് എ മൂവി ക്യാമറയിലൂടെ ശ്രദ്ധനേടിയ അടല്‍ കൃഷ്ണനാണ് സംവിധാനം ചെയുന്നത്.

'വിന്‍ പ്രൊഡക്ഷന്‍സിന്റെ ബാനറില്‍ ഇന്ദുലേഖ. കെ യും വിനീത വാര്യരുമാണ് ചിത്രത്തിന്റെ നിര്‍മ്മാതാക്കള്‍.  

(ഐ.എഫ്.എഫ്.ഐ) 55-ആം അന്താരാഷ്ട്ര ചലച്ചിത്രോത്സവത്തിന്റെ ഭാഗമായുള്ള (എന്‍.എഫ്.ഡി.സി) ഫിലിം ബസാറിന്റെ വ്യൂവിങ് റൂമിലേക്ക് 'മര്‍ത്ത്യലോക ഇതിഹാസം'തിരഞ്ഞെടുക്കപ്പെട്ടു. 

ചിത്രത്തില്‍ ദിവ്യപ്രഭയെ കൂടാതെ, സുര്‍ജിത്ത് ഗോപിനാഥ്, കുമാര്‍ സേതു, സൈഫുദ്ധീന്‍ ഇ , പ്രശാന്ത് മാധവന്‍, ജീവന്‍ ജോസ്, ജോവിന്‍ എബ്രഹാം എന്നിവരാണ് മറ്റ് അഭിനേതാക്കള്‍. 

ഛായാഗ്രഹണം - ആനന്ദ് പി മോഹന്‍ദാസ്, കല, വസ്ത്രാലങ്കാരം - സുഭിക്ഷ ജഗന്നാഥന്‍, സൗണ്ട് ഡിസൈന്‍ - വിഘ്നേശ് പി ശശിധരന്‍, സംഗീതം, പശ്ചാത്തല സംഗീതം - ത്രിലോക് ദി ബാന്‍ഡ്, സെലിജോ ജോണ്‍, അമൃത് കിരണ്‍, ജിഫിന്‍ സേവ്യര്‍, വി എഫ് എക്‌സ് - അഹ്സന്‍ ബിന്‍ നാസര്‍, ഗാനരചന - യമ ഗില്ഗമേഷ് രംഗത്ത്, ലൈന്‍ പ്രൊഡ്യൂസര്‍ അഭിജിത്ത് കമലാകാരന്‍ പണിക്കര്‍, ചീഫ് അസ്സോസിയേറ്റ് ഡയറക്ടര്‍ അരുണ്‍ എന്‍ എസ്, അസ്സോസിയേറ്റ് സിനിമാട്ടോഗ്രാഫര്‍ മനു പോള്‍, പ്രൊഡക്ഷന്‍ കണ്‍ട്രോളര്‍ ഭാരത് നാരായണന്‍, അസിസ്റ്റന്റ് ഡയറക്ടര്‍ യദു കൃഷ്ണന്‍ എം.ഡി, അസിസ്റ്റന്റ് സിനിമട്ടോഗ്രാഫര്‍- അഖില്‍ ഫൈസല്‍, ലിനു, പബ്ലിസിറ്റി ഡിസൈന്‍- എല്‍ബിന്‍ ജേക്കബ്.