![educational loan](https://img-cdn.thepublive.com/fit-in/1280x960/filters:format(webp)/sathyam/media/media_files/AhcdBTaSQw2s6f0oQuQA.jpg)
തെക്കേ ഇന്ത്യയിലേക്ക് സംഘപരിവാറിനെ വളർത്തുന്നതിന്റെ ഭാഗമായി ഒട്ടേറെ പദ്ധതികൾ ഇക്കഴിഞ്ഞ കുറെ വർഷങ്ങളായി രൂപം കൊള്ളുന്നു എന്നതിന്റെ ഉദാഹരണങ്ങൾ ഇപ്പോൾ ജനങ്ങൾക്ക് ഏതാണ്ടൊക്കെ മനസിലായി തുടങ്ങിയിരിക്കുന്നു.
രാഷ്ട്രീയത്തിലും ഭരണത്തിലും ഭക്തിയിലും പോലീസിലും ഉദ്യോഗസ്ഥരിലും ബാങ്കുകളിലും പ്രൊഫസർമാരിലും ഒക്കെ ഇവർക്കായി പ്രത്യേക നിയമനങ്ങളും ഒരുക്കങ്ങളും നടന്നുവരുന്നു എന്നത് നാം നമ്മുടെ ചുറ്റുവട്ടങ്ങളിൽ മാത്രം നിരീക്ഷിച്ചാൽ മനസിലാക്കുവാൻ സാധിക്കും.
ഒട്ടേറെ ചെറുപ്പക്കാരായ ഐഎഎസ് - ഐപിഎസ് ഉദ്യോഗസ്ഥന്മാർ അവരുടെ ജോലി വരെ ഉപേക്ഷിച്ചുകൊണ്ട് രാഷ്ട്രീയത്തിലും ഭക്തി കേന്ദ്രങ്ങളിലും അവരോധിക്കപ്പെടുന്നതിന്റെ വ്യക്തമായ ഒരുദാഹരണമാണ് തമിഴ്നാട്ടിലെ അണ്ണാമലൈ മുതൽ കണ്ണൻ ഗോപിനാഥൻ വരെയുള്ള ഓഫീസർമാർ.
അവരെല്ലാം പെട്ടെന്ന് ഒരു സുപ്രഭാതത്തിൽ ഏറ്റവും ഉയർന്ന ജോലിയിൽ നിന്നും സ്വമേധയാ രാജിവെച്ചുകൊണ്ടാണ് രാഷ്ട്രീയത്തിലും സാമൂഹിക പ്രവർത്തനങ്ങളിലും ഏർപ്പെട്ടിരിക്കുന്നത് എന്നത് ഏവരെയും ഇരുത്തി ചിന്തിപ്പിക്കുന്ന വിഷയങ്ങളാണ്.
സംസ്ഥാനങ്ങളിലെ ഗവർണർമാരിലും അതുപോലെയുള്ള ഉന്നത ഉദ്യോഗങ്ങളിലും ഈ കുത്തികയറ്റലുകൾ കൂടിവരികയാണ്. ഇത്തവണത്തെ തൃശൂർ പൂരം കലക്കിയതൊക്കെ ഈ അജണ്ടകളുടെ ഭാഗമായിട്ട് തന്നെയാണ് എന്ന് ഏവർക്കും അറിയാം.
അമേരിക്ക മുതൽ ആസ്ട്രേലിയ, ബ്രിട്ടൻ മുതലായ ഒട്ടുമിക്ക രാജ്യങ്ങളിലെയും സർക്കാർ ജോലികളിലും ഉന്നത തസ്തികകളിലും ഇക്കൂട്ടര് നുഴഞ്ഞു കയറി തുടങ്ങിയപ്പോൾ ആസ്ട്രേലിയ ഇന്ത്യൻ ഉദ്യോഗസ്ഥരെ ഒന്നടങ്കം ഒഴിവാക്കിക്കൊണ്ടിരിക്കുകയാണ്. ഇതിന്റെയൊക്കെ ഭവിഷ്യത്തുകൾ വരുംതലമുറ അനുഭവിക്കുവാൻ പോകുന്നതേയുള്ളൂ.
കാരണം ഒരൊറ്റ ഇന്ത്യക്കാരനും ജോലി കൊടുക്കുവാൻ ഏതൊരു രാജ്യവും തയാറാകാതെ വരുമ്പോൾ ഇവിടെ നിന്നും ഉന്നത പഠനം കഴിഞ്ഞിറങ്ങുന്ന ചെറുപ്പക്കാർക്ക് വിദേശങ്ങളിലെ ജോലിസ്വപ്നം അവസാനിപ്പിക്കേണ്ടി വരും. ഈയിടെ ഖത്തറിൽ ഇന്ത്യക്കാരായ എട്ട് നേവി ഉദ്യോഗസ്ഥരെ ചാര പ്രവർത്തനങ്ങളുടെ പേരിൽ പിടിക്കപ്പെടുകയും വധിക്കുവാൻ ഉത്തരവിടുകയും ചെയ്തിരുന്നു. അവരും ഇന്ത്യക്ക് വേണ്ടിയായിരുന്നില്ല ആ കളികൾ കളിച്ചിരുന്നത്.
ചില ആശ്രമങ്ങൾ കേന്ദ്രീകരിച്ചും ഇക്കൂട്ടർ അന്തർദേശീയ തലത്തിൽ അവരുടെ കാര്യങ്ങൾ നടത്തുവാൻ ശ്രമിക്കുന്നുണ്ട്. വിദേശങ്ങളിലെ ഈ കുത്തികയറ്റലുകൾ ഓരോ തവണയും പിടിക്കപ്പെടുമ്പോൾ ഇന്ത്യക്കാരുടെ വിദേശജോലിയെന്ന സ്വപ്നങ്ങൾക്ക് കൂടി ചിറക് അരിയുകയാണ് ചെയുന്നത്.
ചാര പ്രവർത്തനങ്ങൾ വർഷങ്ങളായി നടന്നുവരുന്ന പ്രക്രിയകൾ തന്നെയാണ്. പക്ഷെ അത് ഒരോ രാജ്യത്തിന്റെയും കെട്ടുറപ്പിനെയും അവരുടെ ശക്തിയെയും ബുദ്ധിയെയും കാത്തുസൂക്ഷിക്കുന്ന കാര്യങ്ങളാണ്. ഇതിപ്പോൾ അനാവശ്യമായി ബുദ്ധിയില്ലാവന്മാരെ അനാവശ്യ ഇടങ്ങളിൽ കുത്തിക്കയറ്റി നമ്മുടെ നാടിന്റെ ബഹുമാനം ഇല്ലാതാക്കുകയാണ് ഇവർ.
കേരളത്തിൽ ഒട്ടുമിക്ക ബാങ്കുകളുടെയും തലപ്പത്ത് വടക്കേ ഇന്ത്യക്കാരെ കുത്തിനിറച്ചുകൊണ്ട് ഓരോ മലയാളിക്കും അവരെല്ലാം ചേർന്ന് പാര പണിതുകൊണ്ടിരിക്കുകയാണ്.
ഒരു വിദ്യാർത്ഥി വിദേശത്തു പഠിക്കുവാൻ വായ്പക്ക് അപേക്ഷിക്കുമ്പോഴും, ഒരു പാവപ്പെട്ട കച്ചവടക്കാരൻ കച്ചവടത്തിനായി ലോണിനായി അപേക്ഷിക്കുമ്പോളും സ്റ്റാർട്ടപ്പുകാരും കർഷകരുമൊക്കെ ലോണിനായി ബാങ്കുകളെ സമീപിക്കുമ്പോഴും ഇല്ലാത്ത ഓരോരോ കാരണങ്ങൾ കണ്ടെത്തി ലോണുകൾ മുടക്കി കൊണ്ട് മലയാളിയുടെ വളർച്ചയെ ഇല്ലാതാക്കുകയാണ് ലക്ഷ്യം.
വടക്കേ ഇന്ത്യയിൽ ഒരു പേപ്പറും ഈടും ഇല്ലാതെ കോടിക്കണക്കിന് രൂപ അവർ പാസാക്കി കൊടുക്കുമ്പോൾ ആ ബാങ്കുകളുടെയൊക്കെ നിലനിൽപ്പ് തന്നെ തെക്കേ ഇന്ത്യയെ ആശ്രയിച്ചുകൊണ്ടുതന്നെയാണ്.
ഇന്ത്യ മഹാരാജ്യത്തിന്റെ ബഹുമാനത്തെ ബാധിക്കുന്ന രീതിയിലുള്ള ഇത്തരം പ്രവർത്തികൾ രാജ്യത്തിൻറെ വളർച്ചയെ തന്നെ ബാധിക്കുന്ന അവസ്ഥയിലേക്ക് കടത്തിവിടുന്നത് അപകടകരമാണ്. ലോകത്തു കുത്തിത്തിരുപ്പ് മാത്രം നടത്തി ശീലമുള്ള പല രാജ്യങ്ങളുടെയും ഉപദേശം കേട്ടുകൊണ്ടാണ് ഇത്രയും അജണ്ടകൾ നടപ്പാക്കിവരുന്നത്.
പക്ഷെ മറ്റുള്ളവരും ബുദ്ധിയുള്ളവരും വിവേകമുള്ളവരുമാണെന്ന് ഇവരൊക്കെ മനസിലാക്കിയാൽ നന്നായിരുന്നു. ഇന്നിപ്പോൾ ആ കുത്തിത്തിരുപ്പ് രാജ്യക്കാർക്ക് മറ്റുള്ള രാജ്യങ്ങളിൽ പ്രവേശനം നിഷേധിക്കുമ്പോൾ അവർ ഇന്ത്യയെ കരുവാക്കിയാണ് ഇത്തരം കളികൾ കളിക്കുന്നത്.
വർഷങ്ങളായി എല്ലാ രാജ്യങ്ങളോടും സഹവർത്തിത്വം പുലർത്തിവരുന്ന ഇന്ത്യയാണ് നമ്മുടെ ആവശ്യം !!!
മകന്റെ ബാങ്ക് ലോൺ മുടക്കിയ ഗുജറാത്തി മാനേജരുടെ തലയിൽ ഇടിത്തീ വീഴട്ടെ എന്ന് പ്രാർത്ഥിച്ചുകൊണ്ട് ദാസനും
ഇങ്ങനെയൊക്കെ സംഭവിക്കുമോ എന്ന ആശ്ചര്യത്തിൽ വിജയനും