'സമകാലിക മലയാള സിനിമയുടെ ഭാവുകത്വം നിർണയിച്ച എഡിറ്റിങ്'; നിഷാദ് യൂസഫിന്റെ മരണത്തിൽ അനുശോചനം അറിയിച്ച് സജി ചെറിയാൻ

ഫിലിം എഡിറ്റർ നിഷാദ് യൂസഫിന്‍റെ വിയോഗത്തിൽ അനുശോചനം അറിയിച്ച് മന്ത്ര സജി ചെറിയാൻ. കരിയറിന്‍റെ ഉന്നതയിലേക്കുള്ള യാത്രക്കിടയിലുള്ള ഈ വേർപ്പാട് മലയാള സിനിമയെ സംബന്ധിച്ച് ദുഖകരമാണെന്ന് മന്ത്രി പറഞ്ഞു. 

'പ്രശസ്ത ചലച്ചിത്രസംയോജകൻ നിഷാദ് യൂസഫിന്റെ അപ്രതീക്ഷിത വേർപാട് അങ്ങേയറ്റം ദുഃഖകരമാണ്. കരിയറിന്റെ ഉന്നതിയിലേക്കുള്ള യാത്രയ്ക്കിടയിലുള്ള ഈ വിയോഗം മലയാള സിനിമയെ സംബന്ധിച്ചും വലിയ നഷ്ടമാണ്. സമകാലിക മലയാള സിനിമയുടെ ഭാവുകത്വം നിർണയിച്ച എഡിറ്റിങ് സ്റ്റൈലാണ് അദ്ദേഹത്തിന്റെ മിക്ക ചിത്രങ്ങളും.

ഉണ്ട, സൗദി വെള്ളക്ക , തല്ലുമാല , ഓപ്പറേഷൻ ജാവ, വൺ , ചാവേർ, രാമചന്ദ്ര ബോസ്സ് & Co, ഉടൽ , ആളങ്കം, ആയിരത്തൊന്ന് നുണകൾ , അഡിയോസ് അമിഗോ , എക്സിറ്റ് എന്നിവയാണ് എഡിറ്റ് ചെയ്‌ത പ്രധാന ചിത്രങ്ങൾ. 2022 -ൽ തല്ലുമാല സിനിമയുടെ എഡിറ്റിങ്ങിന് മികച്ച ചിത്രസംയോജകനുളള സംസ്ഥാന അവാർഡ് ലഭിച്ചിട്ടുണ്ട്. സിനിമാ ലോകത്തിന്റെ വേദനയിൽ പങ്കുചേരുന്നു. ആദരാഞ്ജലികൾ.'