'നീ എന്റെ തങ്കമാണ്'; നയൻതാരയുടെ 40ാം പിറന്നാൾ ആഘോഷമാക്കി വിഘ്‌നേഷ് ശിവൻ

നാൽപ്പതാം പിറന്നാൾ ആഘോഷമാക്കി തെന്നിന്ത്യൻ ലേഡി സൂപ്പർസ്റ്റാർ നയൻതാര. നടിക്ക് പിറന്നാൾ ആശംസകളുമായി ഭർത്താവും സംവിധായകനുമായ വിഘ്‌നേഷ് ശിവനും രംഗത്തെത്തിയിട്ടുണ്ട്. ഇൻസ്റ്റഗ്രാമിലൂടെയാണ് താരത്തിന് വിഘ്‌നേഷ് ആശംസകൾ അറിയിച്ചിരിക്കുന്നത്.

'നിങ്ങളോടുള്ള എന്റെ ബഹുമാനം,​ എനിക്ക് നിങ്ങളോടുളള സ്നേഹത്തേക്കാൾ ദശലക്ഷം മടങ്ങ് കൂടുതലാണ്, നീ എന്റെ തങ്കമാണ്'എന്ന കുറിപ്പും അദ്ദേഹം പങ്കുവച്ചിട്ടുണ്ട്. സിനിമാപ്രവർത്തകരടക്കം നിരവധി ആരാധകരാണ് നയൻതാരയ്ക്ക് സോഷ്യൽമീഡിയയിലൂടെ പിറന്നാൾ ആശംസകൾ അറിയിച്ചിരിക്കുന്നത്.