കല്യാണത്തിന് പോയാലും അവാര്‍ഡ് ഷോയ്ക്ക് പോയാലും എനിക്ക്  എങ്ങനെ എങ്കിലും ഓടിപ്പോയാല്‍ മതിയെന്ന ഫീലാണ്, എന്നാല്‍, ഉദ്ഘാടനങ്ങള്‍ക്ക് പോയാല്‍ ഭയങ്കര കംഫേര്‍ട്ടാണ്: ഹണി റോസ്

മറ്റ് ഷോയ്ക്കും പ്രോഗ്രാമുകള്‍ക്കും  പോകുന്നതിനേക്കാള്‍ കൂടുതല്‍ തനിക്കിഷ്ടം ഉദ്ഘാടനം ചെയ്യാനാണെന്ന് നടി ഹണി റോസ്. ഒരു യൂട്യൂബ് ചാനലിന് നല്‍കിയ അഭിമുഖത്തില്‍ സംസാരിക്കുകയായിരുന്നു ഹണി. 

''ഞാന്‍ ഏറ്റവും എന്‍ജോയ് ചെയ്യുന്ന ഒന്നാണ് ഉദ്ഘാടനങ്ങളില്‍ പങ്കെടുക്കുക എന്നത്. ആളുകള്‍ നമുക്ക് വേണ്ടി കാത്ത് നില്‍ക്കുന്നതും അവരുടെ സ്നേഹവും എല്ലാം എനിക്കിഷ്ടമാണ്. ഒരാളുടെ ജീവിതവുമായി ബന്ധപ്പെട്ട് കിടക്കുന്നതാകും നമ്മള്‍ ഉദ്ഘാടനം ചെയ്യാന്‍ പോകുന്ന ഷോപ്പ്.

നന്നായി വരണമേയെന്ന് പറഞ്ഞ് അയാള്‍ ആരംഭിക്കുന്ന സ്ഥാപനത്തിലേക്ക് നമുക്ക് ക്ഷണം വരുന്നത്. അതൊരു അനുഗ്രഹമായാണ് ഞാന്‍ കാണുന്നത്. ആ വൈബ് എനിക്ക് ഇഷ്ടമാണ്. 

കുറേ ആളുകള്‍ കൂടുന്ന കല്യാണത്തിന് പോകുന്നത് എനിക്ക് ഭയങ്കര ഡിസ്‌കംഫേര്‍ട്ടാണ്. അവാര്‍ഡ് ഷോയ്ക്ക് പോയാലും ഭീകര പ്രശ്നമാണ് എനിക്ക്. എങ്ങനെ എങ്കിലും അവിടെ നിന്ന് ഓടിപ്പോയാല്‍ മതിയെന്ന ഫീലാണ്. 

ഇനാഗുറേഷന് പോയാല്‍ ഭയങ്കര കംഫേര്‍ട്ടാണ്. അവിടം വിട്ട് പോകാന്‍ തോന്നില്ല. ഫങ്ഷന് പോകുമ്പോള്‍ എന്ത് ഡ്രസ് ധരിക്കും എന്നതില്‍ കണ്‍ഫ്യൂഷന്‍ തോന്നാറുണ്ട്. നേരത്തെ തന്നെ വാങ്ങിച്ച് വച്ചിട്ടുള്ള കലക്ഷനില്‍ നിന്നാണ് ഡ്രെസ് സെലക്ട് ചെയ്യുന്നത്. 

ആഘോഷങ്ങള്‍ വരുമ്പോള്‍ നേരത്തെ തന്നെ പ്ലാന്‍ ചെയ്യും. ഇനാഗുറേഷന്‍ ഫങ്ഷന്‍ കാര്യങ്ങള്‍ ഞാന്‍ സംസാരിക്കുന്ന കാര്യങ്ങളല്ല. കാറിലിരിക്കുമ്പോഴാണ് ഉദ്ഘാടനം ചെയ്യാന്‍ പോകുന്ന ഷോപ്പിന്റെ ഡീറ്റെയ്ല്‍സ് അറിയാറുള്ളത്...''