ശ്രീനഗര്: ജമ്മു കശ്മീരിലെ പൂഞ്ചില് വ്യോമസേനാ വാഹനങ്ങള്ക്കു നേരെയുണ്ടായ ഭീകരാക്രമണത്തിൽ ഒരു സൈനികന് വീരമൃത്യു. അഞ്ച് സൈനികര്ക്ക് പരിക്കേറ്റു. സുരന്കോട്ടില് വച്ചാണ് വാഹനവ്യൂഹത്തിനു നേരെ ഭീകരര് വെടിവച്ചത്. പരിക്കേറ്റ സൈനികരെ ആശുപത്രിയില് പ്രവേശിപ്പിച്ചു. ഒരു സൈനികന്റെ നില ഗുരുതരമാണ്.
കൂടുതല് സൈനികര് മേഖലയിലെത്തി ഭീകരരെ കണ്ടെത്താന് തിരച്ചില് ആരംഭിച്ചു. വ്യോമസേനയുടെ വാഹനവ്യൂഹത്തിലെ രണ്ട് വാഹനങ്ങള്ക്കു നേരെയാണ് ഭീകരര് വെടിയുതിര്ത്തത്.